प्रश्न: मी २७ वर्षांची आहे. दीड वर्षापूर्वी माझं लग्न झालं. माझ्या नवऱ्याचे खूपच मित्र आहेत. त्यांची खूप घनिष्ठ मैत्री आहे. त्याचे मित्र अनेकदा घरी येतात. जेव्हा कधी ते मित्र घरी येतात, त्यावेळी माझा नवरा त्यांच्यासोबत झोपतो. मला दुसऱ्या खोलीत झोपण्यासाठी सांगितलं जातं. माझा नवरा गे तर नाही ना अशी चिंता मला सतावू लागली आहे. माझ्यासोबत लग्न हा केवळ दिखावा तर नाही ना? या परिस्थितीतून मला बाहेर कसं पडता येईल. माझ्या नवऱ्याशी मी यासंदर्भात कशी चर्चा करू? खोलीच्या दरवाजाबाहेर उभी राहून त्यांच्या गोष्टी ऐकाव्यात का? कृपया मार्गदर्शन करा.
उत्तर: तुम्ही नवऱ्याच्या अशा वागण्यामुळं तुम्ही खूपच त्रासलेल्या दिसता आहात. त्यामुळं एकदा तुम्ही खात्री करून घेतली पाहिजे. तुम्ही एकदा नवऱ्याशी याबाबत स्पष्ट बोला. तुमच्या अशा वागण्यामुळं आणि मित्रांसोबतच्या घनिष्ठ संबंधांमुळं मी खूश नाही असं त्याला सांगा. तू असं करू नकोस, असं स्पष्टपणे सांगा. तातडीनं नवऱ्याशी चर्चा करा अन्यथा हे प्रकरण गंभीर होऊ शकतं. तुम्ही एखाद्या विश्वासू मित्रासोबत चर्चा करू शकता किंवा यासंबंधी एखाद्या डॉक्टरांचा सल्ला घेऊ शकता.
मोबाइल अॅप डाउनलोड करा आणि राहा अपडेट